طيرٍ عرض لي كسّر القلب تكسير
وهاضت شجوني وأجهشن العباري
وأنا ليا عاينت في صورة الطير
عليه من نظرات أبويه مواري
لو كان أبويه غير.. ما يشبه الطير
ألا يكود بفعل طير الحباري
لياهد واهوا والحباري مناحير
يفرى النحور بضربته ما يداري
ولو جات زحمة والظوامي على البير
يشرب ويسقي لو غدا الدم جاري
وإن جات بينه والرجال المناعير
خصمه يجيه مطيع لأمره إجباري
ما ينطح الهين صبي المخاسير
عينه على اللي بالفعايل يماري
يسند على باين وقشعان ومنير
حماية التالي نهار المثاري
يا الله ياللي تعلم السر والغير
تغفر لأبوي ليا لفوا لك عواري
أرجيك تختم له مثل خاتمة خير
حيث إنك اللي عن خطاياه داري
"مدارات شعبية"