الحمد لله الولي رب الأرباب
سامع دبيب النمل في داجي الليل
لا غابت نجوم السما والقمر غاب
قضيت ليلي بالدعا والتهاليل
للشايب اللي شاب والذكر ما شاب
ياالله تكفيه المرض والغرابيل
ليت المرض يابوي يؤخذ والاسباب
والله لا أبرك للمرض عنك واشيل
بس امر رب الكون يوخذ بترحاب
وعساه بامره يجلي الباس ويشل
عن شايبٍ له في فضا الطيب مرقاب
في جيله الماضي وفي حاضر الجيل
وقضى حياته بين مجلس ومحراب
ويعد لا عدوا زحول الرجاجيل
للحيل ذباح وللنار شباب
وله مجلس ملفا خيار المشاكيل
أبو هلا لاجناب والا للاقراب
ترحيبه ابهم بالشحم والمعاميل
ما فك في وجه العرب للردي باب
ولا صك بابه في وجيه المقابيل
له موقف مشهود في فك الأرقاب
توفيق من ربي وموقف حلاحيل
ما خاب ظن اللي فزع به ولا خاب
عز الرفيق وعز من يشكي الميل
ويالله وانا طالبك يا جالي الاسباب
تفرج لأبوي من المرض والغرابيل
"مدارات شعبية"