Al-Jazirah

* رتبها - الحميدي الحربي:

ياصفوة ملوك العرب سلمت خطاك

عداك ربي يابوفيصل خطرها

الله يجيرك يافهدنا ويرعاك

يافرحة بلاد العرب يا مطرها

خالد الفيصل
***

سلامة راس أبو فيصل فهدنا
زعيم المجد في يوم الزعامة
عظيم الشان تمم به سعدنا
وزالت عن سما الدار الغمامة

بندر بن فهد بن سعد
***

يالمملكة صارت لشيخك سلامات
الشر زال وسلّم الله فهدنا
حلال عسرات الأمور الصعيبات
اللي رفع بالعز راية بلدنا

خالد بن يزيد
***

نور البشاير لاح في وجه سلمان
لاحت تباشير الفرح في جبينه
استبشرت من فرحته الأوطان
واستبشرت كل النفوس الحزينة
بسلامة الفهد المفدى كحيلان
عسى الولي يمهل لنا في سنينه

بدر بن فيصل الدويش
***

سلامتك يا اعدى عداة العذاريب
ليت المرض يختار غيرك ونفديك
نفرش لك قلوب الوفا بالتراحيب
ويعجز بك الإنصاف من وين يوفيك

ذعار بن نايف بن محيا