يا رفيع الشان يالليث يالشهم الوليد
جعل رب البيت ينجيك من غدر الليال
انت للي اسس المملكة نعم الحفيد
والعمام ملوكنا هم صناديد الرجال
معرب الجدين تمتاز بالراي السديد
والأسد والدك معروف في العالم طلال
والتجاوب منك ماهو غريب ولا فريد
ياذرى اللي صكه الوقت من جال لجال
مكرماتك تاصل اللي قريب والبعيد
واليتامى والضعيف ومن ماله عيال
انت كفك ما تمد القليل ولا الزهيد
انت بين الناس في الجود يضرب بك مثال
في مجالات كثر منك كل يستفيد
في مجال البر والخير واكثر من مجال
من مشاريعك وبذلك وطنا يستزيد
كل يوم للمشاريع والخير احتفال
انت بين الناس في المجد حزت اعلا رصيد
من سمع عن ما تقدمه يالليث استهال
انت ميزانك على الخير راجح ما يميد
انته الراسي مثل مارست شمخ الجبال
فيك يزها القول والمدح وأبيات القصيد
كل هذا صدق ما قصد وراء ذا كسب مال
كيف اعيد الذاكرة واتذكر واستعيد
مقدر احصي كل ما عن مكارمكم يقال
وش نقول وش نخلي من القول ونعيد
يابو خالد صعب تحصي عطاياك الجزال
في المحافل والمجالس بك العالم تشيد
نسمع الواقع ونرويها مافيها جدال
جعل عمرك يابن الابطال في الدنيا مديد
ودمت في عز وسعادة على طول الليال
"عزيزتـي الجزيرة"