ودي أقول فوالدي شي ما قيل
راعي جميل وكلنا ما لحقناه
دايم اجي في دعوته آخر الليل
ودايم لي اللي في يدينه وحجناه
ودايم يقدم دون شرح وتفصيل
طيب.. وطيبه في فعايله نلقاه
طفلة يعينه لو وصلت المواصيل
يمد لي قلبه قبل مد عيناه
أبوي احبه حب أكيد من الحيل
وأكبر من اللي في عيونه لي اخفاه
أدري قصيدي منهك الفكر والحيل
لكن عشانه كل بيت معي جاه
ودي اقول فوالدي شي ما قيل
لانه اساس الطيب والطيب معناه
"مدارات شعبية"