ذيعت الأخبار الاثنين الصباح
وانفجعنا في خبر موت الفهد
مات رمز المرحمة رمز السماح
مات حاكم في مجاله اجتهد
مات ذاك الصيرمي طب الجراح
خادم البيتين وكل له شهد
بالفعول اللي كما البراق لاح
بالمواقف بالشدايد والنكد
كان عون لحال مكسور الجناح
وكان للمحزون هو وجه السعد
والسفينة ما تطاوعها الرياح
لو بكيفي طوّل بعمرة بعد
لكن انه راح وهو مرتاح راح
من بعد ما حط خير السند
الرزين اللي خذا وسام النجاح
أشهد أنه خيّر وزاهر عهد
يرحمه ربي عدد ما المسك فاح
ويرحمه اعداد ما طاح البرد
الخبر فاجع ومني السد باح
وما يوفي قول من قال أو قصد
"مدارات شعبية"