دمعة العاهل من الفقدان حرى
أشعلت نار على نار.. وقيده
الأخو يبكي أخو.. وصل وبرا
درة من عين حر.. في فقيده
والملك يبكي ملك.. حب يسرى
كل مخلص.. والعدو الله يكيده
مات من قاد السفينة.. ما تذرى
عن هبوب الريح.. وأمواج عنيده
قادها عشرين عام ونيف مرا
فوقها عقدين تكتب في رصيده
ما توقف سيرها.. ما تستقرا
من نجاح الى نجاحات جديدة
ما تحيد.. ولا تميد.. ولا تفرا
بيد ربان.. تواصيفه فريده
كيف ما تبكي عيون الحر حرا
كلنا نبكي فهد.. شعب وبديده
واعسى الجنة لابو فيصل مقرا
دعوة قلوب.. قريبات.. وبعيده
عزنا من فضل ربي مستمرا
مع ولاة نهجهم.. صافي عقيدة
ساعتين يتمنا.. ما هي تطرا
بايعوا من عقبها.. للحكم سيده
خادم البيتين عبدالله.. وسرا
المواطن.. بيعته وايضا عضيده
وبيعة منا على الحلوه ومرا
عوض الله فقدنا .. باللي نريده
حاكم ياما على الصعبة تجرا
كلمته في موقف الشده.. شديده
هيبته بين الدول ما هيب سرا
ذايعٍ صيته.. بالأفعال المجيده
فارسٍ في كل ميدان مضرا
بالشجاعة.. مثل دم في وريده
له خفوق ينكسر عطف مدرا
وان حداه الشين له باس الحديده
الزعيم اخو الزعيم اختار حرا
له ولي العهد.. سلطان القصيده
ذاك سلطان العطا نهر المبرا
مروي العطشان.. وكبود لهيده
نحمد الله ما علينا اليوم شرا
في حكم من حكمهم حكم العقيده
بلغوا عدواننا.. واللي تبرى
كلنا (آل سعود) والبيعة اكيده
"مدارات شعبية"