هب النسيم وهب للفكر تيار
بأحلى المعاني والعلوم السمانا
هي منوة الشاعر مثل وبل الأمطار
يحي الدير والله كريم وعطانا
العقل للرجال نعمة ومعيار
به نازن الهرجه ونحسب خطانا
والتجربة نورٍ يساند للأنوار
في ها الزمان وفي قديم الزمانا
مار المهم النار تالع من النار
من يوم نادينا وهذا ندانا
حب الوطن واهل الوطن سر وجهار
حكامنا وقت الشدايد ذرانا
عن غارة الأعدا وعن كل غدار
هم درعنا هم نورنا في سمانا
نمشي تحت ضوحه وفي كل الأقطار
نجدد البيعة ونعلن ولانا
لخام البيتين والوالد البار
الشهم ابو متعب رفيع المكانا
راع الوفا والعرف والطيب والكار
رجل السياسة والفخر في لوانا
وسلطان ابو خالد عضيده بالأخطار
الراي واحد والشريعة عصانا
نردع بها الخاين إليا صار ما صار
ونقول جعل الله يديم الأمانا
ذي غاية الموضوع مارد ومصدار
ندعي عسى الخلاق يقبل دعانا
الله يديم الخير والأمن بالدار
والدين نعمة والله اللي هدانا
"مدارات شعبية"