الأمر لله جلّ ما غيره كبير
والموت ما منه مفرٍ ومعبار
لكن حكم الرب لابد ويصير
ما نملك إلا دعوةٍ له بالأسحار
مرحوم يا ملهي عسى فالك الخير
في جنة من تحتها تجري انهار
جانا خبر موتك ودمعي مناثير
من فوق خدي لين نظمت الأشعار
الله يبيحك يا عشير المناعير
يا لصاحب الوافي نسل واف الاشبار
مرحوم يا للي لك محبة وتقدير
يا للي بموتك ذقت أنا كاس الامرار
مرحوم يا ستر البني الغنادير
مرحوم يا راعي المواجيب والكار
مرحوم يا شيخ الرجال المغاوير
مرحوم يا للي تكرم الضيف والجار
مرحوم ياللي ما حصل منك تقصير
يا كاسب الطولات يالمخلص البار
لك وقفةٍ تهتز منها الطوابير
لا ثار يومٍ فيه عج الدخن ثار
يا لله عسى بالقبر ورد ونواوير
وعساك في جنة عدن يابن الاحرار
والختم صلوا عد ما غرد الطير
على النبي واعداد ما هلت أمطار
"مدارات شعبية"