هذي بلادي منبع الحق يا هيه
واطهر ثرى قبلة جميع العبادي
يا دارنا لك زايد الحب نعطيه
وانتي لنا يا دار ظل وبرادي
نغلي وطنا حيل يا ناس نغليه
وحبه سكن بمعلقات الفؤادي
شبر من أرضه دون الأضلاع نطويه
معزة ما هي بغصب تقادي
حب الوطن ما هوب بالسوق نشريه
دونه نبيع الروح علمٍ وكادي
أطرب الى شفت أكثر الناس تطريه
قالوا سعودي قلت ملحي وزادي
إن جت لزوم بدم الأنفس نغذّيه
مهما عطينا حقها دوم بادي
أهل البدع يخسون عن حلو أراضيه
لو فكروا دونه رماح احدادي
وحكامنا للدار سور يوقيه
وعيالنا دونه بقدح الزنادي
من طاوع اللي ضايعاتٍ هقاويه
ويشجع الإرهاب والفكر غادي
أغلى ثرى يا ناس وشلون نصخيه
دار السعد مسك هواها وكادي
"مدارات شعبية"