باليوم هذا كل شيء حسن قام
والجهل مات بكل لين وهداوه
والروح دبت بالجزيرة والأحلام
تفجرت فيها وزادت حلاوة
اليوم هذا غير عن كل الأيام
له لذة ووحشه وحب وغلاوه
حب مهو من الحين ولا من العلم
من يوم أنا طفل وفيني شقاوة
وأنا احضن تراب الوطن وارفع اعلام:
حبه، يصير الجو أكثر صفاوه
واللي يبي وسط الوطن يزرع أوهام
أكيد فيه شوي مس وغباوه
حنا تبايعنا على نبذ الأقزام
اللي يحيكون الفتن بالخفاوة
من يوم أبو تركي حكمها بالإسلام
وهي سلام بدون حرب وأتاوه
تباشرت فيه الليالي والأيام
وصارت قلوب الناس أكثر نقاوه
عم الفرح كل الفقاري والايتام
وزالت عن عيون الجميع الغشاوه
والأرض باست نفسها قبل الاقدام
وصارت بعين الناس أكثر فضاوه
أسس قواعدها على خير ما يرام
عدل وساوى حضرها بالبداوه
وهي قبله أغلبها طواغيت واسقام
وكل العرب كانوا حزوب وعداوه
وصار العدل لمعزي سلاح وحزام
بذل ولا قصر بشيء وعلاوه:
على ان كل إنسان أمن ولا نام:
إلا وهو مرتاح ما به جفاوه
والشعب واحد كلهم جسم وعظام
وعلى الوفا والطيب فيهم ضراوه
ولليوم هذا ما به إنسان منضام
كل بخير وعايش في طراوه
"مدارات شعبية"