يمَه علام الدمع يكسي عيونك
وشفي الحزن يكسيك يا تاج راسي
يفداك حالي بس هاتي حزونك
تريحي وانا اشيل المآسي
هاتي عناء قلبك وهاتي طعونك
اعيشها بدلك يا أهلي وناسي
أشرب شقاء ايامك وأنا أقول عونك
والله لا أشربها ولا أهز كاسي
تفداك انا روحي وقلبي يصونك
لا شفت زولك طار عني العماسي
ولا من هذا خاطرك وارتاح لونك
انسى شقاء عمري وحزني وباسي
يمه انا برجاك لا يتعبونك
خلي القلوب الحاقده والنجاسي
خلي العناء والهم هم يجهلونك
ما عايشو طيبن بليا قياسي
هم ما درو باللي تخفي شجونك
الطيبة اللي فيك شيء اساسي
أمَّاه أنا بطلبك خلي جفونك
تنسا الدمع وتذوق طعم النعاسي
"مدارات شعبية"