بدينا والبدايه باسم مرسل بالوحي جبريل
جميع الخلق كونها ومحصيها وكافلها
وصلاة الله وتسليمه على مستقبل التنزيل
كتاب الحق قرآن وبه آيات نرتلها
بدينا العيد بالدعوات والتكبير والتهليل
تضرع لله قلوب وهو يعلم دخايلها
عسى الله يقبل صيام الشهر وتهجد بالليل
يكافينا الإله اضعافها مع ما يماثلها
وعسى الله يرحم اللي وحد بلاده بجيش وخيل
على هجن عسايف والمهار اللي تخيلها
على اسوار الرياض بلا.. دليله حولوا تحويل
في الصحرا رجال معه خاضوا في مجاهلها
مؤسسها موحدها على التوحيد لا تبديل
بقت له سيرة متوارثه ما أحد يبدلها
وسلمها عياله من مليك إلى مليك شيل
ملوك مثل أب وابن هذا هو تعاملها
عسى اللي راح منهم في رياض يحتويها السيل
بجنه كل منهم مع هل الرضوان يدخلها
وعسى الله يبقي اللي حي ويعزه لهذا الجيل
يواصل سيرة ملوك كرام ولا يعطلها
وهذا اليوم هو أسعد مجال به نقول القيل
نظمت أغلى قصيده ما طلبت أحد يكملها
أقدمها لعبد الله ورود مكلله تكليل
وكما در البكار اللي تنثر مع شمايلها
على أكرم ملوك الأرض جبنا قلوبنا تحميل
وهو نفس المشاعر لاجلنا له قلب يحملها
موفق يا ملكنا والمصاعب ذللت تذليل
رعى الله المليك اللي بعين العطف شاملها
محبتنا لابو متعب فخر ماهي علينا ميل
ولو قالوا مصافح ودنا متنه نقبلها
منع تقبيلة يدينه وهي تستاهل التقبيل
على خشمه على عينه على راسه نحولها
نعلق صورته واخلاصنا صادق ماهو تمثيل
قلوب ما تحبه وعسى السكته تعاجلها
على الأب العطوف اجمل سلام ولابها تطويل
مقال أو قصيده ما تكفي لو نطولها
دعينا لابو متعب في صباح العيد بالتوفيق والتمهيل
عسى الرب الكريم اليوم عقب صيام يقبلها
وولي العهد أبو خالد يوصف مثل شط النيل
أفعال أخوان نوره هي فخرنا ما نتجاهلها
وعلى اللي ما عطانا قدرنا المولى قوي الحيل
دعينا بخير لاصحاب الوفا وأهل الخيانه يالله اخذلها
"مدارات شعبية"