بيني وبينك بديت أحس بغيابك
بديت أحس بغيابك كيف ولعني
أنا دخيلك توفر قسوة عتابك
والكلمة اللي لسانك قال وش تعني
ما هو بطبعك ولا هي منك وش صابك
تخطي واسامح ولكن شوف واسمعني
يا كثر ما لبيت في شوفك وترحابك
احب قربك ولابة شي يمنعني
ويا كثر ما مديت رجلي على بابك
الحب غلاب والاشواق تدفعني
قلبي وفكري وكلي يوم حيابك
معنى المحبة وقربك لي يمتعني
اشوف عينك ملاها الدمع بهدابك
مدري دموع الفرح ولا تودعني
حيرتني عدني واحد من اصحابك
عشان تقدر تقول ويعجبك طعني
ريح ضميرك كفاني ظلم بسبابك
ريح ضميرك وقلبي دوم شجعني
ادري تبين وقبل تقول وش جابك
بديت أحس بغيابك كيف ولعني
"مدارات شعبية"