يا الله ياللي تعلم أسرار الإنسان
يا عالم نفسي وتعلم خفاها
يا حي يا قيوم يا خير رحمن
تدعيك مسكينة وتكثر دعاها
اطلبك تجعل خوي في عالي اجنان
اللي تركنا فالحياه وشقاها
واصبحت من بعده على هموم واحزان
والروح من بعده تزايد عناها
مرحوم ياللي لف جسمه بالاكفان
وروحه على الطاعات وارت ثراها
مات الشقيق الكفوفي كل الاخوان
ونفسه عزيزه عز منهو نخاها
يا سعيد بن ناصر ترا القلب حزنان
وصورتك تبقى خالده في سماها
اختك طواها الهم والوقت خوان
يقطعك يالدنيا الشقا وش بلاها
تضحك وتبكي وأغلب الوقت ما زان
والله يصبرني وهذا قضاها
الله يصبرني ولو كان ما كان
نصبر على الدنيا وندري غثاها
والموت حق وتالي العمر نقصان
ويا ويل من دنياه يتبع هواها
وأنا أطلب الله كل ما هل ودان
ينشي على قبره سحابه بماها
ويا الله تقبل دعوتي وانت سلطان
ولا تخيب كل نفس ورجاها
"مدارات شعبية"