حنا هل العوجا مهمات وجهاد
شطرٍ جذب شطر العروبة لآل سعود
حكامنا حكام تاريخ الأمجاد
عز الوطن بيت الوفا شجرة الجود
شجرة وفا بالحق تكبر وتزداد
ومن حظها من زود في زود في زود
تاريخهم بالطيب تلقى له أشهاد
ما هوب رسم إعلام كاذب ومجحود
خدام بيت الله وحكام وأسياد
واللي كذب كذبه وأنا عيد مردود
يا شعبنا ياشعبنا نسل الأجواد
دون الوطن فادين والد ومولود
اليوم حنا للمسلمين رواد
عقب الليالي اللي مضت غابره سود
لا تهدمون اللي بنوه النا الأجداد
بيض القلوب اللي عطوا جده عهود
قبل الملك عبدالعزيز الجهل زاد
والحق واضح ما يبي حلف وشهود
وقبله محمد ثبت الدين بأعماد
يوم العيينة سرت الشيخ مطرود
لا تنكرون الحق تكفون وش وعاد
ليا استوت بيض الليالي مع السود
لا تسمعون إرهاب حاقد وحساد
ألكم عقول وجاهل الحق مردود
تدمير بيت الله يسمونه جهاد
هل هو صحيح جهاد نافع وماكود
لا والذي رسى البسيطة بالأوتاد
يدري به اللي يرضع الديد يا سعود
عمالة ضلت وتسعى للإفساد
وان ما صحت تصحى على ريح بارود
حنا ورا نايف والاصبع على زناد
واللي يعارضنا من الخلق مقرود
يا دار يادار المعزة والأمجاد
حنا فدا لك في المواقيف وجنود
عسى الذي سبعه رفعها بلا أعماد
يحفظ وطنّا والخلافة لآل سعود
"مدارات شعبية"