Al-Jazirah

ورود من خميلة العيد ورود من خميلة العيد
قطفها - أحمد القباع

أقول في نفسي وأنا أعايد الناس

متى بشوفك تكمل افراح عيدي

أجامل وربي عليم بالإحساس

وشهو شعوري وانت عني بعيدي

لو حسوا بما بي يقولون لا باس

بدال قولة على عيدك سعيدي

سعود بن بندر
***

يعتادني عيد الشقا يوم فرقاك
ويعتادني عيد الفرح يوم اشوفك
ما هوب عيد ما سمح لي بلاماك
عزي لعيد شوفها ما يحوفك

عبدالعزيز بن سعود (السامر)
***

يا عيد عدت وليت ما فات ينعاد
منك ليال ماضيهٍ يرجعنا
ونعوض اللي فات كان الله أراد
سنين راحت يوم عنها غفلنا
يا عيد غبت وعدت بايامٍ جداد
ليت الليال اللي غدن يقبلنا

موسم بن سفر القثامي
***

العيد فرحة وابتهاجات وأوناس
العيد فرحة من زوايا عديده
العيد يبقى جوهرة وصل من ماس
الله وهبها بس جملة عبيده
يا حلوها نتعاهد بأصدق احساس
ونفوسنا مثل الجواهر فريده

عبدالله الهشان
***

مديت له قلبي وانا الجرح ترديد
عيدك مبارك وعساك انت عواد

سعد الهزاني
***

يا سيدي هلت ليال العيد
واحنا الذي ما تصالحنا
ما هي شروط الهوى يا سيد
الناس في عيد غير احنا

(...)
وكل عام وأنتم بخير جميعاً