البارحة جاني خبر ضيق البال
ومن روعته ضاقت علي الوسيعه
قالوا ترى عمك عن الدار رحّال
فجيعة يا كبرها من فجيعه
وهلت دموعي من غلا طيب الفال
والصبر والله ما قدرت استطيعه
مرحوم يا ريف الأرامل والأطفال
ويا ريف ربعه فالليال المجيعه
مطلق ولد فالح مواريث الأبطال
نسل الكرام أهل البيوت الرفيعه
بالله عسى له جنة الخلد منزال
ابجاه من بأمره تقام الشريعه
هو الذي نزل تبارك والانفال
على الرسول اللي أمرنا نطيعه
ما دام مطلق جاب للطيب رجال
فالح على درب الشكاله تبيعه
بالجود والفزعه وجزلات الافعال
وداعة له واستلمها وديعه
يالله تقدينا على حسن الاعمال
وتفرج لمن ضاقت عليه الوسيعه
"مدارات شعبية"