أنا على حطت يداك مجنونك
هذي هي آهاتي وذيك أشعاري
أشعاري اللي نصفها بعيونك
والنصف الآخر في جفاك وناري
إلا على طاري الجفا وشلونك
ما عد تهمك يالقطوع أخباري
نسيت ناس ما رضوا ينسوك
ولا لهم غير الملاقا طاري
يابن الحلال ان ما قدرت يجون
نهار والا أجيك ليلي ساري
ألذ طعنات الحياة طعونك
واريح مشاويري لكم مشواري
شاري جفاي لناس يبيعونك
وبايع حبيب للمحبة شاري
كذا كذا يعني تسيء ظنونك
ما كنك بسالف غرامي داري
الله يرحم لي ثنينٍ دونك
تراي ماني للجفيا ضاري
إلا على طاري الجفا وشلونك
ما عد تهمّك يا القطوع أخباري
"مدارات شعبية"