مجول وجوال

جوال: وين الغيبات يا حبيب أخوه؟
مجول: أبشرك أخوك أصبح من هوامير الأسهم!
جوال: هامور والا هويمير؟
مجول: خلّها (هويمير) ولا وصلت مرتبة الهامور يمكن تتغيّر الدعسة!!
جوال: أجل الهوامير لهم دعسات غير؟
مجول: أكيد وأولها لا شفت رقمك بتبطي أيام وأسابيع ما رديت عليك!
جوال: أمحق رفقه لكن الوعد قدام!
مجول: الا وش علومكم يا هل الخيل؟
جوال: أبشرك الكهرب والماء وصل مزارع الجنادرية!
مجول: وصل والا في الطريق وغيرها؟
جوال: المسافة الماراثونية غيّروها؟
مجول: راحوا فيها سماسرة أمريكا الجنوبية!
مجول: عاد مسابقة الفروسية على خبري؟
جوال: والى بكرة؟!!
مجول: ونفس نمطها السابق وألعابها الثقابية!
جوال: غيّروا المذيع، وهذا الجديد في الموضوع!
مجول: ليتهم يجددونها وتخصص للجمهور أو يقوفونها!
جوال: الا وش ترشيحات تجربة الدربي الليلة!
مجول: سجل عندك ساهي على خطى جايز
جوال: والأزرق؟
مجول: مستقيم والا المتحد!!
جوال: وآخر العلوم!
مجول: التصفيات الأولية لدورة الوطن (عز الخيل) صحت أغلب الميادين من سباتها العميق!!
مع تحيات
جوال ومجول