ياعم افيدك بالذي زاد غلي
شيمه كبير الراس من شان معزاه
قلط له المركا على ركن زلي
والشور يقصر بينهم ما سمعناه
وحنا لا قالوا تالي الجيش خلي
نلحق ردي الخال لو ماعرفناه
نثني ورا العامة ونتنا المتلي
يوم الردي متلاصقات شفاياه
لاجيت وسط رباعنا ما تملي
سبحان من يامر على النفس بهداه
الضيف غالي يوم ياتي محلي
لو هو قليل مالنا ماكرهناه
مره بشمس ونوب نقعد بضلي
والآدمي يمشي على قد ممشاه
الضيف من عاداتنا به نهلي
ولا يغتني راع الحرا والمراجاه
وان راد ربي هم قلبي يولي
واللي بغالي دبر الرزق واجراه
واللي طلبنا واحد ما يخلي
هو منهو اللي يرزق العبد لولاه
معزي بن مسعود الخوه
"مدارات شعبية"