حِنّا نبايعكم على العسر واللين
يا عيال ابو تركي رجال الحميّه
في حكم ابو متعب فلا اختلفوا اثنين
مواقفه في كل محفل ثريّه
ابو اليتامى والضعوف المساكين
الراعي اللي عادلٍ بالرعيّه
خليفة الفهد وأساسه على الدين
وأرواحنا فدوة رجالٍ وفيّه
مبايعين وللأوامر مطيعين
على كتاب الله وسُنّة نبيّه
عهدٍ نحفظه داخل القلب والعين
وقت الرخا.. والا الظروف القصيّه
لك يا بومتعب يا زعيم الميامين
وعضيدك اللي له عزومٍ قويّه
سلطان.. ابو خالد وتاج السلاطين
ذخر الوطن.. وحماه في كل هيّه
كل الغلا متوزعٍ بين الاثنين
وصدق الولا طبع النفوس الابيّه
وندعيك يا ربي.. وحِنّا مصلّين
دعوات مخلصٍ يا وليّ البريّه
تحفظ لنا حكام نجد المسمين
اللي سموا بأخير نهج وسجيّه
والشعب كله لابومتعب موالين
ولاً على الملّه حباله مديّه
"مدارات شعبية"