طال انتظاري والهواجس مناديب
وين الوفا والاّ على الرف كنا
يا لله عساها في دروبك تراحيب
ويسعد حياتك لو تخليت عنا
لا غبت عني وش تفيد المطاليب
رخصت نفسي والهوى بي تجنى
مليت أعيش بصمت بين الألاعيب
من كان منا صار ما هوب منا
تعبت أدور للمفارق تقاريب
وليه المفارق يرتحل عن وطنا
اللي نبيه يغيب باقي ولا يغيب
ومن كنت أبي قربه ترى غاب عنا
الهجر والخذلان والشك والريب
هذي بقايا للغلا في زمنا
"مدارات شعبية"