الخلق لله جنها وأنسه عبّاد
بعض مطيع له وبعض نكادي
جل وتعالى من تخصص بالافراد
ارجيه معبودي عليه اعتمادي
يحمي حما دار الوفاء دار الامجاد
بحكم السعود أهل العدل والسدادي
على الشريعه نهجهم ماحدٍ حاد
يمشون في هدي النبي خير هادي
أنجال وأحفاد على نهج الاجداد
حكام من حكام نور البلادي
للشعب ريف وللمفزات رواد
عنهم يخسى راع الحسد والفسادي
شلت ايدن اللي مطيع للأضداد
اللي علينا حربة للمعادي
المفسدين السافكين أهل الاحقاد
خوارج المله طغاة العبادي
وياالله تعمي من للارزاق لداد
بفعل السبب..والضامن الله وكادي
الرازق المعطي وبالناس حساد
وجه الحقود اللي كثير الدوادي
حتى ولو يعطى على كل ما راد
ما يدرك الحاسد جميل المبادي
الخلق فيها انذال وأخيار واجواد
ظلما حسود. اونور جودٍ ينادي
يقطعك يارع الردى سم الأكباد
انشهد انه في عمى ارياه غادي
لا صار يسعى لقطع الأرزاق وش عاد
يلقى بميقافه بيوم التنادي
ورزق الولي ما يمنعه كل صداد
مثل سويد القلب نكد المفادي
قلب الحسد كالصاج طاليه سواد
راعيه له يشبه ثلاث الهوادي
وقلب الكرم قنديل في داخل افؤاد
راعيه له كشاف يجل السوادي
راع الكرم ياالله تجنبه الأنكاد
لعل عمره دايم بازديادي
ياالله تبارك له بماله والاولاد
وتزيد ياالله بعمر دسم الأيادي
وتقطع رجا الحسّاد من كل ماراد
ما دام نفسه بالحسد له مزادي
راع الحسد ماله مع الناس وداد
الا مثيل له حثالة سرادي
واعوذ بالله في صلاتي والاوراد
من كل شرير حسوداً ربادي
الحر بالمقناص مخلبه بجّاد
هده وشف ضربه بشلع الثنادي
وطير الغراب من النكد تقل بقياد
ومن الحسد له بالفواسق عدادي
ولا ذكر بالحسد لو واحداً ساد
حتى على مثله دحوش احسادي
"مدارات شعبية"