أنا لو قلت أحبك وش دليلي يا نعيم العود
ولو قلت أكرهك وشلون تعرف كرهي الخافي
أمثل لك لو ابغى واتحدى تعرف المقصود
وأقول إني على شانك جفيت النوم يا كافي
ولكن لي مبادئ ثابتة ما تنسى وعهود
على أول ليلة شفتك بها واهتزت أطرافي
تعاهدنا على بيض الليالي والليل السود
يكون اللي بوسط القلب فوق الوجه ينشافي
شعور وحب متبادل على مر الزمان يزود
محال تغيره كل الظروف وطبعها الجافي
"مدارات شعبية"