يا طيب من ياقف على خير ميقاف
ويبدي برايه بين حاضر وماضي
ياخذ كلام معتبر ما به اجحاف
ويقطع على نفسه اعهود غلاظي
نطقه ذهب ما يصرفه كل صراف
ولا سمع في قول مع الناس فاضي
الفرق بين الناس بالعين ينشاف
فرق كبير ولا عليه اعتراضي
تفاوت اعقول ثقيلات واخفاف
وكل بعقله مثل ما قيل راضي
احد يحب الطيب ويحب الانصاف
ولا هو عن احقوق الرجال امتغاضي
مثل الجمل يملك قويات الاوصاف
حمله يشيله لو يصير امتجاضي
عاش الحياة امحقق كل الأهداف
ما زعزعوه أهل القلوب المراضي
واحد تصانيفه مع الناس تنعاف
في كل موضوع مع الناس خاضي
عقله مع العالم تقل فيه خفخاف
وإلى نهيته قال خلك رياضي
الله لا يبلاك في بعض الاصناف
معهم يضيع الطيب ما يستعاضي
"مدارات شعبية"