الا يا هوى بالي بعد جيت للمطلاع
تكلم وعلمني عن اللي هوى بالي
عن اللى غلاه يزلزل القلب والاضلاع
ويهتز عرش الروح من غير زلزالي
لطيف الجشى اللي شد قلبي على المرجاع
عيون العديم اللي من الماكر العالي
بعد حوّل ونش الحمامه وعني ضاع
وضيعت قرناس الوحش فالخلا الخالي
ضرب لجّه الحومه وحوّل يبا الميقاع
بعد حال من دونه غراميل وجبالي
على ذكر حروه نادر الوصف والانواع
تعب حال طراد الصقور وتعب حالي
ليا شافه الهاوى نسى طمعه الطماع
(ما دام الذهب ذاهب نسيم الغلا غالي)
وجذبني بوردٍ كن يوضى عليه شعاع
وسرابي هواي وشوق بالي وغربالي
وتملّكت قلبي يا هوى البال والمرباع
ومن وحشه الغربه بكت سلوه السالي
وتراني قتيل ولو هتف دوني الاصباع
تذكرني الذكرى بحلي وترحالي
"مدارات شعبية"