هيه ياللي مل خفاقي سؤاله
وش تبي تعرف وأنا أقول الصحيح
من طلعت وفعلي ما حيد مجاله
آخذ الأحسن وأجنب عن القبيح
ما تركت من العلوم إلا هزاله
ولا خذيت إلا نقاء وجه ومديح
شاعر لي مع هل القالات قاله
اكسب إرضى اللي لهم عقلٍ رجيح
وكان تقصد جرح قلبي وراتحاله
والهجوس اللي على رأسي تطيح
ذيك بأسباب الغنوج ومن جماله
والله إن كلي على قربه يصيح
جادل هزت خفوقي في دلاله
وكل ما سوى (المليح فهو مليح)
إنجرف قلبي بحبه من هباله
وكم نصحته بس ما كني نصيح
لين ذاق الموت في علقم وصاله
ومن بعدها صار لأوجاعه طريح
وش يفيد الحين لا عود لحاله
خالي معتل، مهمومٍ جريح
مثقل بالذكريات اللي بخياله
منجرح لا والله إلا هو ذبيح
بس عشانه ما وصل للي بباله
كن أحلامه عصف به صلف ريح
هو من أول لا بغى أي شيء طاله
بس هاذي مدت الوقت الشحيح
والعذول اللي ذبحني في سؤاله
قلت له عن قصتي وأقفى مريح
"مدارات شعبية"