سلام مني للأمير النايف
اللي تعلا المجد ثم اعلانا
سلام مني يا رفيع الرايه
يلي حميت الأمن بالايمانا
أمر وحنا سيدي تحت امرك
نمشي على امرك وين ما تبغانا
حنا جنودك سيدي ورجالك
أمرك وتوجيهك لنا قدانا
حنا رجال الأمن من بعد الله
خدمة بلدنا بالشرف تزهانا
ارواحنا دون البلد معروضه
يا ويل من فكر يمس حمانا
نفدي بلدنا بالنفيس الغالي
نفدي بلدنا سيدي بدمانا
في خدمة الله والملك والديره
ارواحنا تسبق جميع خطانا
الله خلقنا نعبده ونطيعه
حق علينا نعبده مولانا
ثم الملك يامر وحنا فدوه
نجيه اولنا بعلم اتلانا
والدار هذي دارنا المصيونه
ربي مفضلها على البلدانا
ربي عطاها التاج امنٍ وافر
والامن تاج وملبس الاوطانا
والنعمه اللي ما تعد وتحصى
طيب النفوس وصحة الابدانا
مكه وطيبه اطهر المعموره
ربي عليها دايم وصانا
الله خلقها قبلةٍ للعالم
جميع مسلم فالبشر ينصانا
دار السلام وبالوفاء معروفه
يشهد علينا قدسنا واقصانا
فزاعةٍ بالخير دايم توفي
تفزع لمن هو صابه الطوفانا
وقفة شرف عند العرب مثبوته
حتى العجم واسأل هل الشيشانا
والمسلم اللي في جميع الدنيا
ناقف معه ونشاركه الاحزانا
دار العهود ودار من طاع الله
فيها نزل من ربنا القرآنا
الشرع فيها قايم بحدوده
وسنة محمد تاخذه برهانا
والحكم لله ثم لاهل العوجا
حكامنا هم عزنا وحمانا
سقم المعادي في نهار الهيه
عند الهبايب بشتهم ذرانا
عبدالله اللي للوفاء عودنا
ما شفت مثله حاكم وانسانا
ولي عهده هو قمر ديرتنا
سلطان يسلم سيدي سلطانا
واميرنا نايف رفيع الهامه
امن السفينه في يد القبطانا
وامير نجد اللي علينا غالي
تفداك روحي سيدي سلمانا
واميرنا احمد نايبٍ متفاني
وافي وحنا بالوفاء ضرانا
واميرنا محمد أمينٍ أمن
مجهود شخصك سيدي كفانا
والاسرة اللي فالمكان العالي
جواهر ما تنوزن بثمانا
نوادرٍ فالناس من فضل الله
ميزهم الله بين هاالعربانا
آل السعود مطوعين العايل
بالسيف الاملح حكمة الرحمانا
نور الجزيرة بالوجيه السفره
متوارثينه ورثة الجدانا
يقوله اللي حبكم واغلاكم
تحت امركم جاهز ولا يتوانا
يقولها اللي للبلد يغليها
واسمي سعودي وافتخر بسمانا
مشاعرٍ في خاطري مدفونه
طلعتها من خاطرٍ شفقانا
واقولها دايم بصوتي كله
امر وحنا بمركم نتفانا
والأمر حق نسمعه ونطيعه
وننفذه قريبنا واقصانا
واقولها باسمي وباسماء ربعي
ونيابةٍ عن لابتي شهرانا
والختم صلوا يا جماعة دايم
على الرسول اللي بخيره جانا
"الرأي"