أبتدي باللي عباده تستعينه
في الجلوس وفي الركوع وفي السجودي
ربنا اللي كلبونا طالبينه
يحفظ الإسلام من شر اليهودي
يا هجوس الشعر تو ما حان حينه
ساعديني بالصدور وبالورودي
عاش أبومتعب عسى تسلم يمينه
يوم جاب أمره بتخفيض الوقودي
مكرمه والمكرمه حاجة ثمينه
ما تغارب من عريبين الجدودي
مكرمه من سيدي طالت سنينه
عمت الفرحة على الشعب السعودي
للمواطن دايماً تنفق أيدينه
وفي صميم قلوبنا حبه يزودي
أبومتعب كلبونا عارفينه
يوعد لشعبه ويوفي في الوعودي
خادم البيتين مكة والمدينة
والوطن باسم الملك يرقى سنودي
يجتهد في خدمته والله يعينه
بارك الله في الأسد نسل الأسودي
ينطح العدوان بجنوب متينه
ويتدارك الأمر من كل الحدودي
فيصلياً يكتب العز بجبينه
لا حصل في المعركة قدح الزنودي
حافظٍ شعبه مع عرضه ودينه
والأمن في بلاد أبومتعب يسودي
عاهلٍ باسم الوطن قاد السفينه
لأجل تطويره بذل كل الجهودي
يجتهد بالخير والله لا يهينه
ولا رفع سقف البيوت الا العمودي
عاش من خاض الزمن عسرة ولينه
ومن يذر الكحل في عين الحسودي
أبومتعب بالمكارم شاكرينه
وعاشوا أخوانه قويين العضودي
أبوخالد مسنده عضده عوينه
واليٍ للعهد جعله في الوجودي
في ظلال ملوكنا الحصن الحصينه
عايشين بعز ما فينا شرودي
والسلام ختام ياللي سامعينه
وكل قول أبديه عندي له شهودي
"مدارات شعبية"