سلام يا ذروة سنام المجد مصباح الظلام
يا رافي فتوق السنين اللي كبار خلولها
سلام من دافع ولاء وشعور بهجة واحترام
غنت بها صدق المشاعر قبل يعلن قولها
استرسلت صدق المشاعر واستعدت بالتمام
كل يبي يوصلك مردود الثناء مرسولها
لو عن مشاعرنا يقل الشعر ويقل الكلام
ما وضح التعبير صورتها ولا مدلولها
يا خادم البيتين حمّاي الوطن درع المهام
يا شايلٍ عن عاتق الامة ثقال حمولها
الله يلهمك الهدى والرشد وعلو المقام
ويعز فيك أمة محمد عرض الأرض وطولها
ويدحر عداك ويخذل العدوان من كل الانام
اللي مظاهرها تعاكسها بسود فعولها
يا قائد النهضة شعار العدل مفتاح السلام
مكارمك واضح على كل الوطن مفعولها
واللي مدح لو طال مدحه بالمدايح ما يلام
حيث المكارم منك دايم مسرجات خيولها
الله وأنا أسأله بحسن الفضل وأسماه العظام
وباسمى الصفات اللي جميع الخلق ما وصلوا لها
انه يمدك في عظيم النصر ويخذل اللئام
اللي ليا لاحت بوادر مشكلة غنوا لها
وحنا جنودك والولاء موروث من عهد الإمام
من رؤوس جدانٍ عسى الجنة مقر نزولها
هذي وصاة جدودنا لاحفادهم يا ابن الكرام
عدوا لها عدة ولاء بنفوسنا وارسوا لها
وحنا ننشيها بدم النشء قدام الفطام
حتى ترعرع في نفوس ابنا الوطن وعقولها
وأزكى تحيات الوفا والشكر هو مسك الختام
يا رافي عجاف السنين اللي كبار خلولها
"مدارات شعبية"