اللي فتني عن غرامه وش أقول
وأنا الذي حافظ عن الناس سرّه
هذاك علمني السعادة على أصول
غيّر حياتي من الشقاء للمسرّه
قلب كياني فوق بالعرض والطول
إحساس وصلني الجدي والمجرّه
يشبه حكايات الأساطير والغول
شيء أعيشه بس بالعمر مرّه
يا كثر ما سوى بي عمول وعمول
وبين الهدب والعين يلقى مقرّه
ما عاد قوه في غرامه ولا حول
ذره بدمي وانتشر ألف ذرّه
مجنون حبه صعب ولا له حلول
سلّمت له عمري بخيره وشرّه
له رمش يذبحني على طول مكحول
وعز الله إني شفت منه المضرّه
وله قد مرسوم وبالوزن مكيول
وإليا مشى للقاع ثقله يجرّه
وإليا حكى لي حكيه الذرب معسول
يذبحني بغنجه ويرجع يكرّه
خيال ما مثله أبد شيء معقول
قليل في حقه ليا قلت (درّه)
قلت اختصر شرحي وعن حبه أقول
حبه هالٍ طيّر العقل مرّه
"مدارات شعبية"