الشمس في برجها والجدي ف ابراجي
والقلب يسري به الهوجاس ويخونه
على غوايه بمبدايه ومنهاجي
ما ضاق صدري ولا بيّحت مكنونه
كم ليلةٍ لين نور الصبح ينباجي
وكم طرقةٍ للقدم ماهيب مامونه
في سادرٍ زاد عقد الغيظ بحجاجي
لوناض برقه حقوق وهلّت مزونه
يا مرمس الوصل.. لا مّيس ولا راجي
إن رفت بالحال.. والا زدت بطعونه
عامين تدري لعطفٍ منك محتاجي
ولا هان حتى عليك تقول وشلونه
وان حن قلبي عليك ولج باخلاجي
ما ساق عرق الغلا.. لا حتّت غصونه
"مدارات شعبية"