ياهاجسي ما تفيد كثر السواليف
حتى المواصل بالرسايل قطعها
الموت فرقا أهل القلوب المواليف
احيا وحل ظروف وقت منعها
ياما نشدت وقيل ياسعود ماشيف
هذا بلد روحٍ تزايد وجعها
والعين من هجره غدا وسطها شيف
هذي مصادق حب تتبع ولعها
اسهر وأغني فيه بأعلى المشاريف
أظن من يرحم حياتي سمعها
من الشتا حتى على أقبل الصيف
وش عاد باقي بان فيها جزاها
صرفتها يازين مامن تصاريف
نفس ملك فيها فنا أقول دعها
هذا بلا يافلان يافلان يامنيف
بلاي من زين الوصايف دلعها
وش عاد لو وصفت كل التواصيف
قبلي رجال حبها مانفعها
عيا زمانه لايجيله على الكيف
ما تجتمع روحين ما الله جمعها
"مدارات شعبية"