سبق سيف الجفا عُذر المودّة
أنا آسف ولا أبي منك آسف
ترى ما عاد بي بالحب شدّه
تعبت تعبت من لهو العواطف
أنا منك الوفا كنت أستمدّه
وكنت لخاطر عيونك أجازف
حسبت أني الوحيد اللي تودّه
وأثر يا كثرهم غيري ولايف
أنا قلبي عليكم وش يحدّه
مدام أني أبا ذوق الكلايف
شعوري ما يتحمل فوق حدّه
ولا يقوى على ظلم العواصف
هواي اللي خذيت أرجوك ردّه
نويت أودعك وش أنت شايف؟
جفل طيرك خلاص أنسى وهدّه
ولا تكثر عليه من الحسايف
"مدارات شعبية"