بقلوبنا قدام بسط الأيادي
نبايعك والله علينا شهيدي
بيعت ولاء بيعة غلا واعتقادي
نلبس بها في كل يومٍ جديدي
ونصدع بها في كل محفل ونادي
ونموت عنها سيدي ما نحيدي
من يوم نادى للفلاح المنادي
تجري مجاري الدم وسط الوريدي
مبدأ جميع الشعب حضر وبوادي
يغذى عليه من الرضاع الوليدي
بيعة جدود ولاعليها مزادي
من مات ورثها الولد والحفيدي
الكل منا فدوتك يا بلادي
بالروح واللي نملكه من رصيدي
ما نلتفت لأهل البدع والدوادي
شرذمّة تخسى عن اللي تريدي
نمشي على درب الهدى والرشادي
متكاتفين وكل يومٍ نشيدي
صروح مجدٍ بيناتٍ تنادي
أسمى من حروف الخطب والقصيدي
يشهد لها قبل الصديق المعادي
لو هي على كبده تورث صديدي
ولا احتك في رأس الفتيل الزنادي
من مات دونك يا وطنا شهيدي
"البيعة الأولى"