جزيرة المجد حاضرها وماضيها
تاريخها مشرقٍ نوره بالإسلامي
دولة رخا بالعدل دامت لياليها
عسى لها العز عامٍ من بعد عامي
باذن الله اللي مكرمنا وحاميها
يبقى علمها رفيعٍ فوق الأعلامي
ومبايعة شعبها الوافي لغاليها
بيعة ولاء صادقه عرفان وإلزامي
لمحنّك الراس وإن كبرت دعاويها
سيفٍ يصد العداء فالموقف الحامي
واغلى المشاعر نقدمها ونهديها
مليكنا قام حظه والسعد قامي
عسى حياته يمدلنا الولي فيها
ونعيش في ظل حكمه طول الأيامي
قلبه على الشعب واحواله يراعيها
وهو للوفا والكرم والطيب مقدامي
مناهل الخير من يمناه نرويها
عبدالله اللي لداره عز وحزامي
غيثٍ على بلادي الحره وأهاليها
بقيادته عاش شعبه بأمن وأكرامي
تتالت المكرمات وجود راعيها
ما ينحصر بالقصيد وعدّ الأقلامي
ومواقف القايد العادل وطاريها
فخرٍ عظيم لشعب الخير ووسامي
وعضيده المخلص الوافي موفّيها
حقوقها والكريم بموقفه سامي
سلطان وأفعال سلطان ومباديها
لها شواهد وفا وجهود وسهامي
وأمجاد الاثنين بالقمة مبانيها
ومشاعري توجتها أفعال حكامي
قاداتنا أسمى المعاني من معانيها
لله ومقدسات الله خدامي
الله يكلل بتوفيقه مساعيها
ويعز دينه وينصر جمع الاسلامي
"البيعة الأولى"