حصل للشعر تال الزمان انتكاسه
وصاروا دكاترة القصايد تلاميذ
الدكتور عوّد تحت سقف الدراسه
والتلميذ يصدر أمر إلغا وتنفيذ
أظن الشعر يحتاج بعض الحراسه
يشكل رقابه في جميع المنافيذ
بعد لبسوه لباس ما هو لباسه
وحطوا لراع النقد صوبه مواخيذ
بعضهم لبس له ثوب ما هو مقاسه
وبعضهم يحسب الباب مثل النوافيذ
من يعس الأرض يجيب علم العساسه
ولا يعرف يقود السفن غير النواخيذ
ولكن وين الشعر واهله وناسه
بعد شفت دكتور الشعر صار تلميذ؟!
"مدارات شعبية"