يسري الليل والهاجس يمل الحضور
لا كتبته ولا كفيت عنه الملام
إن لقيت المعاني تستحق الظهور
ما لقيت الوهج ذاك الوهج للكلام
يا كلام تفوه بك لسان الشعور
كيف اعديك للرايم على ما يرام
دلني كيف احبك نور والقاك نور
والمدى فيه محذور وحلال وحرام
قبل أفوز بسنا وجهك هزمت الف سور
كيف اخلي عيونك عن عيوني تنام
جايز لي على خدة صفا الصدق أدور
تشهد العشرة اللي يومها ثقل عام
عشتها والمكان من الهجير مهجور
في زمان هبوبه للمجاهيم شام
سامح الله ظروف ما صفت للغيور
ليتها عند حد الكد قالت سلام
ليلت (والليت) نبت (اللال) واخت الدبور
ما وراها سوى (صهد) الضما والعسام
يا شعوري قبل ينصك باب العبور
مدني بالعزا مد يرم العظام
"مدارات شعبية"