الليل بابٍ للمجاريح مفتوح
يدخل معه للخايف العايف أشباح
وأسرار قلبٍ عطرها يفوح ويفوح
لا هبت الذكرى على جرحها فاح
في خاطرٍ لعتاب الأصحاب مشروح
في عينٍ لطول السهر درب ومراح
يا مرحباً يا شاعر الورّق والنوح
يا شاعر نجمه بليل الشعر لاح
يا شاعرٍ شعرك شفا كل مجروح
يا شاعرٍ شعرك جرح كل مرتاح
وشلون أبوح الجرح يا مبعد الشوح
والحكي موجع لا غدا الصمت ذباح
ما هو خطاي إني تكلمت بوضوح
ولا هو خطاك إنك لما قلت لماح
وأنا انكسرت الروح بالروح مسموح
لا صار قصدي من ورا كسري إصلاح
لو الخطا في كل الأحيان مدموح
ما كان به عذرٍ ولا عفو واصفاح
ولو كال ملحوقٍ مع الوقت مطروح
ما شفت دمعٍ ساح يوم الأمل طاح
"مدارات شعبية"