ارحلي لو يزين الوقت والا يشين
في فؤادي وعيني هجر الأشواق حان
ارحلي من خيالي في زحام السنين
واتركيني لصدمات الهوى والزمان
كان ترضين وإلا يا عسى تزعلين
ما بقى في فؤادي للمتاعب حنان
أكثر العمر طاف وكل وقتي حزين
كل ما قلت هذا صادق الحب خان
اتحاشا خسارة كل شيء ثمين
لكن الصعب عندي لجل خاطرك هان
تعرفين الجفا لكن لو تعرفين
الوفاء كان قلبك عن تجافيه لان
والله أن الفؤاد اللي طواه الحنين
قبل عرفك يدين وبعد عرفك يدان
رغم هذا العذاب وعبرة كل حين
شان وقتي معاك ووجه الأيام شان
والله إنك زمانٍ طاف رمش وعين
بس ما عاد لك في وسط قلبي مكان
"مدارات شعبية"