يا لطيف الحشا ما عاد عندي صبر
كيف أباصبر وأنا ما أطّاق عنك البعاد
من أبعادك بصدري مثل وخز الإبر
وضيقة تعتريني عند وقت الرقاد
وأنت تعلم وعندك فوق ذلك خبر
إن مالي بها الدنيا بغيرك مراد
وكل ما جيك أدور للخواطر جبر
زدتها كسر واسترسل عنايا وزاد
طال نزف المشاعر والورق والحبر
بس ما كل نار منتهاها رماد
والدليل الأكيد وعبرة المعتبر
بان لك العيون اللي ضناها السهاد
والله إنك بقلبي لين أزور القبر
وكل نبض بعرقه لك بوسطه بلاد
ما تهمه طعونك لو مداها شبر
طان قصدك نفادي وش بقى من نفاد
"مدارات شعبية"