هذه القصيدة للشاعر فهد بن هجاج البشري الحربي حيث يبين فيه شاعرنا أهمية اختيار المجلس.. فيقول:
|
المجلس اللي ما يقدرك راعيه
|
خلك عزيز النفس مالك وماله
|
لاصار ما حطت لجنبك مراكيه
|
تلقى من خيار المجالس بداله
|
مغنيك ربك عن قهوته وشاهيه
|
دام المعزب ما يسرك قباله
|
دور على مجلس ليا جيت ناصيه
|
حصلت خمسه من شروط الرجاله
|
تقدير في قلبه.. وترحيب يبديه
|
وعقل.. وادب ومبهرات دلاله
|
مجلس رجال العرف كل الفخر فيه
|
عنه الرخوم يقدمون استقاله
|
بعض المجالس محكم العقل توذيه
|
يلقى بها شخص كثير اجداله
|
يفضح السانه ما يكنّه بخافيه
|
زودٍ على جهله سريع انفعاله
|
في رايه ان العلم عنده وحاويه
|
لو كان غارق في محيط الجهاله
|
وفي رايه ان الناس لازم تباريه
|
ولو فيه فرصه كان كبه ظلاله
|
شخصٍ بليا دين لا تعتزي فيه
|
واسمع كلام مجرب الوقت قاله
|
كتاب حالات الرياجيل قاريه
|
وحصل به اكثر من ثلاثين حاله
|
وصور بعضها ما تطرق لباقيه
|
ولو يبشرح الحالات طول مجاله
|
وإلى اللقاء مع شاعر وقصيدة أخرى..
|
|
