|
الشاعر محدي بن فيصل الهبداني عاش إلى سنة1300هـ تقريباً في الصحراء متنقلاً من بادية حائل إلى بادية الشمال، ونشأ ذكياً وطموحاً، كما كان يطمح إلى الزعامة، وله الكثير من القصائد، منها قوله:
|
هنيكم يا اهل القلوب المريحه |
يا الدالهين اللي على بركة الله |
هنيكم بقلوبكم مستريحه |
ويا ليت قلبي كل ما جاه ينساه |
|
أنا إن بغيت الصبر قلت مشاهيه |
ونفسي عيوف ولا رضيت النشايل |
نويت اهوم وكافل العبد واليه |
والبعد طب للقلوب الغلايل |
|
يا راكب سربالة تقطع البيد |
حمرا ولا فوقه رديف محنها |
اول نهاره خل مشيه تفاديد |
وافهق الى البردين عقبيك عنها |
مثل النعامه يوم تقفي مع الحيد |
او تقل شيهان دنا الليل منها |
|
الله من قلب بدا فيه عمسي |
يميع لو باسه حجر قرطياني |
يميع ميعة شمع من حر شمسي |
والا الشحم من فوق جمر أصفهاني |
نصبح مكاظيم وبالهم نمسي |
وكن الطعام ملوث ديدماني |
يمد من نقرة خنيصر ويمسي |
لاهل بيوت شيدت بالبياني |
ويقول في الشيخ محمد بن سمير:
|
يا راكبين مقولمات الخفافي |
ما دنقوا عن الحفا يرقعونه |
يلفن اخو خزنه زبون المقافي |
اللي بوقت العسر تندى صحونه |
ويقول في الشيخ جدعان بن فهيد:
|
يا راكب حمرا كتوم رغاها |
ممشى ثمان ايام تطويه مشوار |
العصر ابو تركي محاري عشاها |
لا أغضى البخيل لغالي الزاد دمار |
ويقول في الشيخ عبدالكريم الجربا:
|
يا ربعنا هيا نوينا المحاويل |
نروح عن دار العيا والضلاله |
للشيخ نطاح الوجيه المقابيل |
ومن صكته غبر الليالي عناله |
دار بدار وكل دار بها كيل |
والرزق عند اللي عظيم الجلاله |
ثم إن محدي الهبداني تذكر بلاده نجد وحن إليها واشتاق أن يحج لبيت الله الحرام ويزور مسجد نبيه الكريم حيث قال:
|
يا الله ياللي ما دخيلك يضامي |
يا اللي عفيت وحل لطفك على ايوب |
اطلبك يا محيي هشيم العظامي |
والي ولا غيرك ولي ومطلوب |
يا الله تجمع شملنا بالتمامي |
يا عاقل يوسف على ابوه يعقوب |
ياللي لك المسلم يصلي وصامي |
تفتح لنا من باب لطفك لنا بوب |
هنيت من لبى ولبس الحرامي |
ورقا على راس الجبل قاضي النوب |
يا عالم ياللي خفى من كلامي |
تبهج فواد اللي على البيت منعوب |
يا الله يا مسقي كبود ظوامي |
من مي زمزم نافل كل مشروب |
هيا ودنوا لي ركاب همامي |
نبي نزور اللي على القلب محبوب |
ونبينا نضفي عليه السلامي |
وحنا علينا الحج فرض ومكتوب |
|
