نور سطع لأهل القلوب الملاهيف

بر وسلام وكل فتنه حسنها

عبدالعزيز موقف الشر توقيف

خلا مغذينه تقارع شننها

أعطي عنه لمحه وفكره وتوصيف

بالشعر يوم ان الجزيرة ضفنها

ثبت موازينه ما هو كيل تطفيف

وارسى بحكم الله قواعد بدنها

نجد الفتن منها ويمه مناكيف

ماحدٍ صفت له لو غنم واحتضنها

ما مثل أبو تركي حملها بتكليف

شاله وشالت نفسها من وهنها

مشاريع حياويه عظيمات بهن منفوع

لنا واللي يجي من بعدنا باصلاب شبانه

لو ان اعلامنا واقلامنا تحصي لنا المجموع

خذو عشرين عام والنتيجه صعب نسيانه

ملايين الذهب من مالهم لاسعادنا مدفوع

كبر شمّخ جبال طويق لو تجمع وحصيانه

دنياك لابد ما تمغط مخاليبه

ماهو بلك دايم ماها ومرعاها

هذا تغداه والاخر تعشيبه

كم راح من ماضي الأجيال برحاها

محدٍ خذا من حلاله قرش في جيبه

الا العمل لا رحل منها وخلاها

أحدٍ بذر بذرته من خير وجزيبه

جنات خلد ونعيم جاري ماها

واحدٍ بذر بذرته من شر وبليبه

نارٍ وقوده حجر ماشي يملاها

ملائكتها غلاظٍ في جوانيبه

وشداد لله يامرها وينهاها

يا بدر لا صليت عقب الفريضه

ارفع يديك وخذ لابا الجود مرواس

الخيّر اللي ما كتب له عريضه

ولا عند بابه عسكري يقهر الناس

منش الخيال اللي تراكم نفيضه

اليا زبنته ما عطاياه بقياس

ما بين رفة عين قبل تغميضه

يجلا بحرفين الفرج كل هوجاس

يعطيك ما يطلب عليك الحفيظه

ولا مشى في واسطه راس من راس

يا محمد من تزوج باجنبيه

ما ربح لو جابو البيرق عياله

الولد منها يجي ميه بميه

جاذبينه مثل ما قالوا خواله

لا عزم له ضيف جاب الزمزميه

سلم والكاسه يمده في شماله

وان بغى له فرجةٍ مع مهمهيه

من صحاري نجد ما ينهج لحاله

الشعر ماله تالي الوقت قيمه

على شفا حفره وقف ما نسوقه

قوله على من لا يوده ظليمه

يا حيف يا شعر العرب بار سوقه

كم قيمته يوم السنين القديمه

عند السيوف اللي تلامع بروقه

لا ولّعت سود المعارك جحيمه

شاعر هكا الايام ياخذ حقوقه

يالله بسم أشجارها والمواشي

وبسم الطيور اللي تفرّخ بالاعشاش

وبسم الضعوف اللي بليّا معاشي

ياكافل رزق العمى منك معتاش

ندعيك بايات الفرج ما نخاشي

يا مطلع يونس نبيك على الطاش

دعاك بالتهليل غاشيه غاشي

ظلام ليل ما معه حيل منداش

في بطن حوتٍ بغبة ابحار ماشي

ظهر يحيلك يابا الافراج ماهاش

يا مطلعه ما للمواشي عراشي

بهايم رزقه من الزرع بخياش

يا الله من غر المزون النواشي

تامر لنا يامنزل الغيث مرهاش

يا عالم مابل اقوله بجاشي

تسوقها وبروقها تنعش انعاش

الحب يا نشمي عرض له سواميح

مشاكلٍ ما تنطح كود بسلاح

وانته بعيني كالعطاوي شليويح

فكاك زمل البيض لا صاح صياح

ابي يدك مع سابقي قبل لاطيح

ترى قبيلي لا عدمناك ذباح

لولاك من قوم بهم هبت الريح

ما اشكي عليك الحال بالحب لو راح

يالله يا للي تعلم السر والغيب

يا واحدٍ تحيي رميم العظامي

تفرج لمن بسهوم حب الهوى صيب

رماها يا مولاه بالحب رامي

صابن وصوبني نزيه من العيب

شريف ما وردت عليه التهامي

زهران عون الله المطيري /بريدة

صفحة الجزيرة الرئيسية

رأي الجزيرة