أتذكرك بالثانية والدقيقه |
وكل ما ذكرتك قلت باكر ابنساك |
أكذب على نفسي واخفي الحقيقه |
والواقع أنك وسط الاضلاع مرساك |
كوّنت لك حب ومشاعر رقيقه |
في قلبي اللي ما يبي غير دنياك |
حبك بقلبي والعهود الوثيقه |
أصونها وأعزها لأجل عيناك |
أغصان حبك وسط قلبي وريقه |
وفي غيبتك غصنك غدى كله أشواك |
لا شفت جيدك قام يلمع بريقه |
مثل القمر لادار من بين الأفلاك |
أقول جل اللي فرق بالخليقه |
وابدع جمالك يا عسى الرب ياقاك |
عسى الوصل من بيننا ما تعيقه |
واسعد بقربك واتشرف بلقياك |
حيث المُنى يبعد عن الصدر ضيقه |
يا للي حشا ما نساك لو قلت أبنساك |
راشد القناص |
