أمس الضحى عديت روس الطويلات |
وهيضت في رأس الحجا ما طرا لي |
وتسابقن دموع عيني غزيرات |
وصفقت بالكف اليمين الشمالي |
وجريت من خافي المعاليق ونات |
والقلب من بين الصناديق جالي |
واخوي يا اللي يم قارة (خفا) فات |
من عاد من عقبه بيستر خمالي؟! |
ليته كفاني سو بقعا ولا مات |
وانا كفيته سو قبرٍ هيالي |
وليته مع الحيين راعي الجمالات |
وانا فدا له من غبون الليالي |
واخوي يا اللي يوم الاخوان فلات |
من خلقته ما قال: ذا لك وذا لي |
تبكيه هجن تالي الليل عجلات |
ترقيب وعدها يوم غاب الهلالي |
وتبكي على شوفه بنيٍ عفيفات |
من عقب فقده حر من الدلالي |
عوق العديم إن جا نهار المثارات |
والخيل من حسّه يجيهن جفال |
شالح بن هدلان |
|
