نوفا تناقلها جميع المحطات

صارت حديث الناس في كل ديره

اسمٍ تجاوز بالقصيد العبارات

وأنا قصيدي كل طيب يثيره

والطيب له ياهل المراجل علامات

وراعيه يفرق بالأمور الكبيره

وسلطان أبو نايف عقيد المهمات

على العطى والطيب واصل مسيره

ما هي سنه لا والله إلا سناوات

حتى شمل بالجود شبه الجزيره

وبين الكويت وبين شعب الإمارات

وفي كل دوله له مواقف كثيره

سلطان جوده باج كل المسافات

يطيب حظ اللي برايه يشيره

شيخ المراجل والكرم والبطولات

ومن لا يقول الحق نفسه شريره

للخيل والبل مستمره سباقات

رصد لها حر ماله ذخيره

ما قال ينقص من حسابي حسابات

مليار عنده تقل حبة شعيره

وما فات فات ولا حسب كل ما فات

يدير فكره والمراجل تديره

دايم وهو بعيد نظره وهقوات

الله يبارك في حياته وخيره

وأرجع الموضوعي وعنوان الأبيات

نوفا ونوفا للمزاين شهيره

شمالي الطوقي بذيك المساحات

كلٍ تقفا يم نوفا بعيره

البل لها فيها مواري وشارات

والزين فايز بالمزاين مصيره

ألوانها وأعمارها كلها جات

والزين له لجنة مزاين خبيره

صفحة الجزيرة الرئيسية

رأي الجزيرة