دمعة عيونك غالية يا أريش العين
|
المشكلة هلت وانا اللي سببها
|
ياسين يا دمعٍ على الخد ياسين
|
دمع المحاجر فوق خده سكبها
|
انتِ صباحي والمخاليق ممسين
|
يا نور لليلِ موحشٍ ما غلبها
|
يا صاحبي يا سيد كل المزايين
|
أشوف في نظرة عيونك عتبها
|
عتب من النظرة ما بين المحبين
|
يا شيب عيني يوم سلهم هدبها
|
عرفت أنا من نظرة اعيونك السين
|
سين وجواب السين ربك كتبها
|
ماكن قصدي ما حصل خذ علي دين
|
نفسي عدو النفس كاد أيغلبها
|
لا شك من حقك وحقي أنا وين
|
صارت وما كنت أحسبك بتحسبها
|
أنا اعرف أن منتي علي بتغلين
|
واعرف بعد نفسك ولا اجهل أدبها
|
واعرف بعد منتي بحبي تسلين
|
تكرم عيون اللي عزيز نسبها
|
أقول قول الصدق ما هو بتخمين
|
ما اصدق الكذبة ولا اللي كذبها
|
ونتي تعرفين مهدي زين ما زين
|
الشجرة الخضراء ما هو يحتطبها
|
يجلس بظل الشجرة ويكحل العين
|
ولا بد بأمر الله يخرف رطبها
|
مهدي بن مسفر بن عليان الحبابي وادي الدواسر - الخماسين |
|
