الآدمي يعيش فالدنيا على طول الامل |
عنده طموح يدفعه ولقمة امجاده رقا |
يسعى ويبذل كل جهد وكل شي محتمل |
اما تقدم واغتنى والا على حاله بقا |
احدٍ حياته في رخا واحدٍ حياته في زمل |
واحدٍ تريح خاطره واحدٍ على هم وشقا |
لو تقضي الاعمار ما يقضي لخلق الله عمل |
الناس والاعمال تلقاهم مع الوقت رفقا |
كم واحدٍ ما حقق اهدافه وقصده ما كمل |
صكات بقعا تعطي دروس على وضحى النقا |
لكن من يصبر على وقته مثل صبر الجمل |
ياصل ويدرك غايته لو كان فيها ماهقا |
يلقى النتايج لا ثبت في ماقف الطيب وصمل |
ذكر الرجال الطيبه يبقى ومن قدم لقا |
ما ضاع فعل الخير والمخلوق ما يترك همل |
يالله عسانا من عذاب النار يارب عتقا |
انت الذي عطفك وجودك في مخاليقك شمل |
لعلنا في جنتك خير المنازل واللقا |
أحمد سعود الحمد/ الزلفي |
